S’Ursi und dä Walter händ 3-Tagestuur organisiärt
Und däbi – knallhart – üsi Fahrdisziplin inspiziärt
Am 1.Tag - häts gwaltig küblet und gossä
Guät gfahrä - wärmer mit Schnorchel und Flossä
Wiä immer - füärt s’Ursi än grossä Rucksack mit
Gfüllt – glaub mit Chleider – für d’Winterzit
Am Rhy no – häns üs uf Dütschland gfüärt
Underwegs – häts denn ein - uf dä Ranzä grüärt
 

Am 2. Tag - hät mer denn dä Kaiserstuäl umrundät
Und diä wunderschöne Wiiberge uskundet
Gwont hät mer imä Hotel – und zwor di ganzi Gruppä
Zur Vorspiis häts gä – ä Truubäsuppä
Uf französisch heist das – Süp dü Trüb
Im Darm – git das - so komischi Schüb
Zum Trinkä natürli – sehr feine Wii
Dä zweiti Tag – isch also super xsii

Hei isches gangä – über Höger und än Pass
Do wirts doch im Schwarzwald – schowider nass
Erscht denn vor de Schwizergrenzä
Cha mer - d’Regechleider abeschrenzä
Schön ischt denn aber würkli – fascht unfallfrei
Chömmet mir wider - uf Söizi hei
 

Für Tuur 2013 - findet mir sicher än Rank
Ursi und Walter – nomol ganz herzliche Dank
Hüt Abig – tuän ich mich nöd schiniärä
Und frogä – wer tuät di nörchscht organisiärä