In Illnau wohnt än italienische Fürscht
Produziärä - tuät er weltwit – di beschtä Würscht
Vor vilä Johrä - hät er sich vom Coop pensioniärt
Jetzt lauft s’eigä Gschäft aber super – und wiä gschmiärt

I allnä Zitigä chamä Bricht und Fotänä gseh
Er – und sini Famili – sind bekannter denn je
Dä Metzgermeischter – jo - dä isch nöd oni
Ihr keneten alli – dä Evandro Buffoni

Er isch im Sommer - widermol go velofahrä cho
Und hät mit üs – ä strengi Tuur underno
D’Abfahrt vo Alläwindä uf Au – diä tuät ihm nöd gfalä
innärä Kurvä –falsch bremsend - i nä Leitplanke knalä

Dä Helm zertrümmert – dä Renner verbogä
Ä schwäri Verletzig – am Chopf zuäzogä
Mer gsehts sofort – äs gotim nömä guät
Adä Nase und Glieder – do flüsst vil Bluät

Mit äm Natel willmer d’Sanität ufbüütä
I dem Loch hinä - tuäts aber im Spital nöd lüütä
Mer lauft mit ihm abe – er - chunnt nömä recht drus
Telefoniärä - chamer denn dunä – usämä altä Huus

D’Sanität chunnt rassig do hinderä gritte
Im Buss - häns ihm eifach - sTriggo und d’Hosä ufgschnittä
Er chunnt in Spital – mit sim Usgseh chan er sich nümä brüschtä
Spezialischte - müänd ihm - dä ganz Grind iigrüschtä

Das Gstell - hätt er denn 3 Mönät treit
Und währetem Wurschte - denn immer gseit
Velofahre vergessä – nei nei – und er freut si
Ich chum wider go fahre – mit em Voloclub Söizi

Hüt isch er mit dä Frau - an Schlussobig cho
Wer ihn will aluägä – er sitzt jetzt do