Do hämmer no einä – än ganz grossä Brockä
Tuät näbscht – ufem Velo – au vil am PC hockä
Abwärts fahrt ihm – fascht ä keine no
Ufwärts – wäg sim Gwicht – denn ebä scho

Er schribt schöni Bricht – vo üsä Fahrtä und Reisä
Und tuät au t’Hompage – vom Club ufgleisä
Gschäfts- und Mitgliederlischte aktualisiärä
Und i dä Dorfzitig – ganz Söizi orientiärä

Clubmeischterschaft hät er wider unbedingt welä
Und sich - an Stell vom Reali – zur Verfüegig stelä
Hät Priisä und dä Wanderpokal organisiert
Isch witerhin - a derä Meischterschaft intressiärt

Er fahrt jetzt Velo – mit zwei isigä Chnü
I kenä no zwe settig – ihr sind jetzt drü
Über luschtigi Witz – chan er herzhaft lache
Hansjörg – mir danket dir – chascht witermachä